"Orientation week" seminar-trening darslariga direktor tashrif buyurdi

Qoʻqon universitetida 1-kurs masofaviy ta'lim shakli talabalari uchun "Orientation week" haftaligi davom etmoqda. Seminar-trening darslarida talabalar oʻzlari uchun zarur boʻlgan bilimlarni oʻzlashtirib kelmoqda.

Bugun masofaviy ta'lim shakli boshlangʻich ta'lim yoʻnalishi talabalarining seminar-trening darsiga Qoʻqon universiteti direktori Gʻafurjon Zaxidov tashrif buyurdi.

Uchrashuvda talabalarga universitetda yaratilgan imkoniyatlar, ichki tartib-intizom,  ECTS kredit-modul tizimi asosida o‘qish, HEMIS ta'lim platformasidan foydalanish, baholash mezonlari, GPA ko‘rsatkichlari va mustaqil ta'lim bo‘yicha tushuncha berib oʻtildi.