23-sentabr kuni Buyuk allomalar muzeyida adabiyotshunos olim A. Turdaliyevning “Mahmud Hakim Yayfoniy” nomli monografiyasi taqdimotiga bag‘ishlangan ilmiy-adabiy tadbir bo‘lib o‘tdi.

Tadbir Qo'qon universiteti, Buyuk allomalar muzeyi hamda Amiriy kutubxonasi hamkorligida tashkil etildi. Taqdimot marosimida Qo'qon universiteti ilmiy ishlar va innovatsiyalar bo'yicha prorektori, filologiya fanlari doktori, professor Zeboxon Qobilova, universitetning filolog ustozlari va talabalari ham faol ishtirok etdilar. Talabalar taniqli adabiyotshunos olimning ilmiy faoliyati, ijodiy merosi hamda “Mahmud Hakim Yayfoniy” monografiyasining mazmun-mohiyati bilan yaqindan tanishdilar.