Qo‘qon universitetida akademik ko‘rsatkichlari yuqori, faol va iqtidorli talabalarni qo‘llab-quvvatlash maqsadida universitet grantlarini topshirish marosimi bo‘lib o‘tdi.
Tadbir davomida o‘qishda yuqori GPA ko‘rsatkichlariga erishgan, shuningdek, turli sohalarda o‘zining iqtidor va salohiyatini namoyon etib kelayotgan talabalarga universitet grantlari tantanali ravishda topshirildi.

Mazkur grantlar talabalarning bilim olishga bo‘lgan intilishini qo‘llab-quvvatlash, ularning akademik va shaxsiy rivojlanishi uchun qo‘shimcha imkoniyatlar yaratish hamda iqtidorli yoshlarni rag‘batlantirishga qaratilgan.