Qo‘qon universitetida yangi o‘quv yilida tahsil olishni boshlagan 1-bosqich kunduzgi ta'lim shakli talabalari uchun Orientation Week — tanishtiruv haftaligi boshlandi.

Haftalik davomida talabalarga universitetdagi ta’lim jarayoni, kredit-modul tizimi, akademik talablar hamda talabalik faoliyatini samarali tashkil etish bo‘yicha batafsil ma’lumotlar berilmoqda.
Shuningdek, yangi talabalar universitetning ta’lim infratuzilmasi, ichki tartib-qoidalari, o‘quv jarayonini tashkil etish mexanizmlari hamda talabalar uchun yaratilgan imkoniyatlar bilan tanishadilar.

Orientation Week doirasidagi uchrashuv va tanishtiruv tadbirlari talabalarning universitet muhitiga moslashishi, o‘quv jarayonini to‘g‘ri tashkil etishi va universitet imkoniyatlaridan samarali foydalanishiga ko‘maklashishga qaratilgan.