Qo‘qon universiteti qoshida tashkil etilgan “Qo‘qon adabiy muhitini o‘rganish ilmiy tadqiqot markazi” jamoasi tomonidan O‘zbekiston Respublikasi davlat mustaqilligining 35 yilligi munosabati bilan nashrga tayyorlanib, chop etilgan kitoblar jamlanmasining tantanali taqdimoti bo‘lib o‘tdi.

Taqdimot davomida “Qo‘qon adabiy muhiti antologiyasi”, “She’r va sharh”, “Shohbaytlar hikmati” hamda “Mirzo Xayrullo Xo‘qandiy bayozi” kitoblari keng jamoatchilikka tanishtirildi.

Taqdimotda Qo‘qon adabiy muhiti ixlosmandlari, mumtoz adabiyot shaydolari va ilm-fan vakillari ishtirok etib, yangi nashrlarning ilmiy-adabiy ahamiyati yuzasidan fikr-mulohazalar bildirdilar.