Qo‘qon universiteti Ta’lim fakulteti talabalari bilan universitetning ilmiy ishlar bo‘yicha prorektori, filologiya fanlari doktori, professor Zeboxon Bakirovna Qobilova ishtirokida ilmiy-ma’rifiy uchrashuv tashkil etildi.

Uchrashuv davomida professor Zeboxon Qobilova talabalarga universitetda yaratilgan ilmiy-ijodiy imkoniyatlar, ilm-fan yo‘lini tanlashning ahamiyati hamda bu yo‘nalishdagi sharafli va mas’uliyatli vazifalar haqida atroflicha ma’lumot berdi. Shuningdek, yoshlarning ilmiy salohiyatini yuksaltirish, mustaqil fikrlash qobiliyatini rivojlantirish va kitobxonlik madaniyatini keng targ‘ib etish masalalariga alohida e’tibor qaratildi.