O‘zbekiston Respublikasi mustaqilligining 35-yilligi munosabati bilan Qo‘qon universiteti qoshida tashkil etilgan “Qo‘qon adabiy muhitini o‘rganish ilmiy tadqiqot markazi” jamoasi tomonidan “Qo‘qon adabiy muhiti antologiyasi”,
“She’r va sharh”, “Shohbaytlar hikmati” hamda
“Mirzo Xayrullo Xo‘qandiy bayozi” kitoblari nashrga tayyorlab chop etildi.

Barcha Qo‘qon adabiy muhiti ixlosmandlari, mumtoz adabiyot shaydolari va ilm-fan fidoyilarini Qo‘qon adabiy muhiti vakillarining yangi sadosi bo‘lgan — Qo‘qon adabiy muhiti kitoblar jamlanmasining tantanali taqdimotiga taklif etamiz!

Taqdimot 15-oktyabr kuni soat 11:00da Qo‘qon universiteti C bino majlislar zalida bo‘lib o‘tadi.