Qo‘qon universitetida Milliy gvardiya Farg‘ona viloyati bo‘yicha boshqarmasi tasarrufidagi harbiy qism serjantlari ishtirokida “Milliy gvardiya serjanti – Vatan qalqoni” mavzusida forum tashkil etildi.

Tadbirda Qo‘qon shahar ma’naviyat va ma’rifat markazi, Mudofaa ishlari bo‘limi, Nuroniylar jamiyati hamda keng jamoatchilik vakillari ishtirok etdilar.

Forumda harbiy xizmatchilarning kasbiy mahorati, harbiy intizom, yetakchilik ko‘nikmalari va yosh harbiylarni vatanparvarlik ruhida tarbiyalash masalalari muhokama qilindi.

Tadbir davomida ishtirokchilar o‘zaro tajriba almashib, serjantlar xizmat samaradorligini oshirish yuzasidan fikr-mulohazalar bildirdilar.