Qo‘qon universiteti «Raqamli texnolologiyalar va matematika» kafedrasi professor-o‘qituvchilari akademik mobillik dasturi doirasida Qirg'iziston xalqaro universitetida bo‘lib, Kompyuter inginiringi fakultetining «Kompyuter inginiringi» yo‘nalishi talabalari uchun dars mashg‘ulotlarini olib bordilar.

Tashrif davomida professor-o‘qituvchilar tomonidan jami 18 soatlik o‘quv mashg‘ulotlari tashkil etildi. Darslar zamonaviy pedagogik yondashuvlar asosida olib borilib, talabalar bilan mavzular yuzasidan interaktiv muloqot, fikr almashish va amaliy mashg‘ulotlar tashkil etildi.
Shuningdek, Qo'qon Universiteti hamda Qirg'iziston xalqaro universiteti qoshidagi Politexnika kolleji bilan memorandum imzolandi.