14–15-sentabr kunlari Toshkent shahrida “Akkreditatsiyada barqarorlik: xalqaro tajriba va milliy standartlar” mavzusida xalqaro seminar-trening bo‘lib o‘tdi.

Unda 200 dan ortiq davlat va oliy ta’lim tashkilotlari vakillari hamda xalqaro ekspertlar ishtirok etdi.

Tadbir doirasida o‘tkazilgan test-viktorinada Qo‘qon universiteti Ta’lim sifatini nazorat qilish departamenti rahbari Jasurbek Muhammadjonov faxrli 1-o‘rinni egalladi.

G‘olib Ta’lim sifatini ta’minlash milliy agentligi tomonidan diplom va qimmatbaho planshet bilan taqdirlandi.

Qo‘qon universiteti jamoasi Jasurbek Muhammadjonovni ushbu muvaffaqiyat bilan samimiy tabriklaydi!