BMT Drezden universiteti professorlari Qo‘qon universiteti xodimlariga dars o‘tmoqda!

 Atrof-muhitni asrash va barqaror rivojlanish yo‘nalishida ilmiy hamkorlik davom etmoqda.

 2025-yil 10-iyul kuni Qo‘qon universitetining bir guruh professor-o‘qituvchilari – O.Umarov, B.Turonboyev, Sh.Saidov, M.Muxtorova va D.Mirzahamdamova – Xitoy Xalq Respublikasining Lanchjou universitetida tashkil etilgan xalqaro malaka oshirish dasturida ishtirok etish uchun yetib borishdi.

 Bugun esa dastur doirasida Germaniyaning Drezden shahrida joylashgan BMT universiteti professorlari – Dr. Alexey V. Alekseenko va Dr. Daniel Karthe tomonidan “Atrof muhitni asrash va barqaror rivojlanish” fanlaridan amaliy va nazariy mashg‘ulotlar boshlandi.

 Tashrif chog‘ida professorlarga universitet nomidan sovg‘alar va esdalik salomlari topshirildi. Tomonlar o‘rtasida kelgusidagi istiqbolli hamkorlik yo‘nalishlari ham muhokama qilindi.