“BNBM Building Materials Central Asia” — Xitoyning yirik qurilish kompaniyasi O‘zbekistonda faoliyat yuritmoqda va Qo‘qon universiteti bilan hamkorlik memorandumi imzolandi. Ushbu memorandum doirasida talabalar uchun amaliyot, stajirovka va ishga joylashish bo‘yicha keng imkoniyatlar yaratilmoqda. “BNBM Building Materials Central Asia” korxonasi zamonaviy texnologiyalar asosida ishlash tajribasini o‘rganish va professional ko‘nikmalarni rivojlantirish uchun yetakchi maydon bo‘lib xizmat qiladi.