Deputat Muhammadjon Valiev Qo‘qon universitetiga tashrif buyurdi Oliy Majlis Qonunchilik palatasi deputati, “Adolat” sotsial-demokratik partiyasi fraksiyasi a’zosi Muhammadjon Valiev Farg‘ona viloyati, Qo‘qon shahrida joylashgan Qo‘qon universitetiga tashrif buyurdi. Tashrif doirasida deputat universitetda tahsil olayotgan iqtidorli talabalar bilan uchrashdi. Uchrashuv ochiq va samimiy muhitda o‘tdi. Talabalar o‘zlarini qiziqtirgan savollar bilan murojaat qilishdi va deputatdan atroflicha javoblar olishdi. Tadbir yakunida faol va izlanuvchan talabalar esdalik sovg‘alari bilan taqdirlandi.