"Kitobxon yoz – 2025" “Dolzarb 90 kun” loyihasi doirasida Qo‘qon universitetida talabalar bo‘sh vaqtlarini mazmunli va foydali tashkil etish maqsadida "Kitobxon yoz – 2025" tanlovining boshlang‘ich bosqichi bo‘lib o‘tdi. Tanlovning ilk bosqichi BT-1,2-22 va PS-1,2-22 guruh talabalari ishtirokida o‘tkazildi. Tadbirda O’zbekiston Xalq yozuvchisi Isajon Sulton qalamiga mansub "Hazrati Hizr izidan" asari muhokama qilindi. Bahs-munozara shaklida o‘tgan ochiq suhbat davomida talabalar asardan olgan xulosalari bilan o‘rtoqlashdilar, qiziqtirgan savollariga javoblar oldilar hamda adabiy tahlil qilish ko‘nikmalarini mustahkamlash imkoniga ega bo‘lishdi.