Qo‘qon universiteti talabalari tashabbusi bilan o‘tkazilgan xayriya aksiyasi doirasida Qo‘qon shahridagi 9-, 5- va 4-sonli imkoniyati cheklangan bolalar uchun ixtisoslashtirilgan maktab-internatlarga tashrif uyushtirildi.

 Tadbir Qo‘qon shahar hokimi Ma’rufjon Usmonovning ochilish so‘zi bilan boshlandi. U o‘z nutqida bolajonlarga e’tibor, mehr-oqibat ko‘rsatish, ularni qo‘llab-quvvatlash jamiyatning muhim vazifalaridan biri ekanini alohida ta’kidladi.

 Mazkur xayrli tashrifda Qo‘qon universiteti talabalari faol ishtirok etib, aksiyada yig‘ilgan turli sovg‘alarni maktab-internat tarbiyalanuvchilariga topshirdilar. Bolajonlarning quvonchi, samimiy tabassumi va minnatdor nigohlari ushbu tashabbusning naqadar ezgu maqsadga xizmat qilganini yaqqol namoyon etdi.

 Ushbu tashrif nafaqat mehr-oqibat ifodasi, balki talabalarimizning yuksak ijtimoiy mas’uliyati, insonparvarlik tamoyillariga sodiqligi va faol fuqarolik pozitsiyasining yorqin ko‘rinishi sifatida esda qoldi.