Qo‘qon universitetining Ta’lim fakulteti, Maktabgacha ta’lim yo‘nalishi talabalari hamda ularning ota-onalari ishtirokida navbatdagi uchrashuv bo‘lib o‘tdi. Tadbir davomida yuqori GPA ko‘rsatkichlariga ega, namunali xulq-atvori va faolligi bilan ajralib turgan lider talabalar e’tirof etildi. Ularning ota-onalariga tashakkurnomalar hamda esdalik sovg‘alar tantanali ravishda topshirildi.  Mazkur uchrashuvlar ota-onalar bilan hamkorlikni mustahkamlash, talabalar yutuqlarini e’tirof etish va ta’lim sifatini yanada oshirishga xizmat qiladi. Shuningdek, ota-onalar bilan bunday uchrashuvlarni universitetning barcha yo‘nalishlari kesimida bosqichma-bosqich o‘tkazish rejalashtirilgan.