O‘zbekiston Respublikasi Vazirlar Mahkamasining oliy ta’lim tashkilotlari bitiruvchilari uchun “Kelajakka qadam” dasturi doirasida tashkil etilgan “Talaba Expo – 2026" kasb ko‘rgazmasida Qo‘qon universiteti jamoasi va talabalari ham ishtirok etmoqda.

Qo‘qon universiteti bitiruvchi talabalari tadbir davomida yetakchi tashkilot va korxonalarning bo‘sh ish o‘rinlari bilan tanishib, ish beruvchilar bilan bevosita muloqot olib bordilar. Ular o‘z mutaxassisliklari bo‘yicha bandlik imkoniyatlari, amaliyot dasturlari hamda kelgusidagi kasbiy faoliyat uchun muhim istiqbollar haqida batafsil ma’lumotlarga ega bo‘ldilar.