Talabalar turar joyi

Qo‘qon universitetida keng ko‘lamli bunyodkorlik va obodonlashtirish ishlari amalga oshirilmoqda va hudud zamonaviy qiyofa kasb etmoqda.

Universitetning o‘z mablag‘lari hisobidan zamonaviy talablar bo‘yicha 2 ta 3 qavatli “Students Hostel”lar qurilib, talabalar ixtiyoriga topshirildi. Yigitlar va qizlar uchun mo‘ljallangan talabalar turar joylari 500 o‘rinli bo‘lib, barcha qulay shart-sharoitlarga ega.

Yoshlarning bo‘sh vaqtlarini mazmunli o‘tkazishlariga ko‘maklashish maqsadida talabalar turar joylarida yuqori tezlikdagi Wi-Fi, kompyuter vositalari bilan jihozlangan 4 ta ijtimoiy zona, barcha kerakli adabiyotlar bilan ta’minlangan “Ma’naviyat xonasi” tashkil etildi.

“Students Hostel”larning har bir qavatida 2 tadan zamonaviy yuvinish xonalari mavjud. Talabalarga zarur sharoit va qulaylik yaratish maqsadida 2 ta Tibbiy xizmat xonasi, oshxona va kiyimlarni yuvish va dazmollashga mo‘ljallangan boshqa maishiy xonalar bunyod etildi.

Shuningdek, binoda xorijdan kelgan professor-o‘qituvchilar va universitet mehmonlari uchun mehmonxona tipida barcha zamonaviy jihozlarga ega 6 ta xona mavjud. Bularning barchasi yosh avlodning munosib shart-sharoitlarda ta’lim-tarbiya olishiga qaratilgani bilan ahamiyatlidir.