Turizm va iqtisodiyot fakulteti

Turizm va iqtisodiyot fakulteti Qo‘qon universitet boshqaruv (tashkiliy) tuzilmasining tarkibiy boʻlinmasi hisoblanadi. Uning faoliyati tegishli taʼlim yoʻnalishlari va mutaxassisliklari boʻyicha talabalarni oʻqitish, taʼlim-tarbiya jarayonlarini uzviy va uygʻunlashgan holda olib borish, ilmiy kadrlar tayyorlash, malaka oshirish va qayta tayyorlash, shuningdek kafedralarda ilmiy-tadqiqot loyihalarini bajarish ishlarini muvofiqlashtirishga yoʻnaltiriladi. Fakultet, oʻz tarkibiga kiritilgan bakalavriat taʼlim yoʻnalishlari hamda magistartura mutaxassisliklariga taalluqli: “Xalqaro turizm va iqtisodiyot”, “Raqamli texnologiyalar va matematika” va “Jahon tillari” kafedrasi kafedralarining oʻquv va ilmiy laboratoriyasini birlashtiradi. Turizm va iqtisodiyot fakulteti quyidagi yo’nalishlar bo’yicha bakalavrlar tayyorlaydi: Iqtisodiyot (tarmoqlar va sohalar bo‘yicha), Moliya va moliyaviy texnologiyalar, Menejment (tarmoqlar va sohalar bo‘yicha), Turizm (faoliyat yo‘nalishlari bo‘yicha), Kompyuter injiniringi (“Kompyuter injiniringi”, “AT-Servis”, “Axborot xavfsizligi”, “Multimedia texnologiyalari”), Xorijiy til va adabiyoti (ingliz tili), magistratura bosqichida esa Iqtisodiyot (tarmoqlar va sohalar bo‘yicha), Lingvistika mutaxassiligida kadlarni yetishtirib chiqaradi.