Xorijiy professor-o‘qituvchi - universitetimizda

Turkiyaning nufuzli Ege universiteti professori, fan doktori Gulshan Eren Orhun almashinuv dasturi doirasida universitetimizga tashrif buyurdi. 

U bahorgi semestr davomida Ta'lim kafedrasi professor-o‘qituvchilari bilan hamkorlikda turk-o‘zbek tillari bo‘yicha lingvistik qiyoslov tadqiqotlarini olib boradi. 

Shuningdek, turk tilini chet tili sifatida o‘rgatish bo‘yicha katta tajribaga ega Gulshan Eren tomonidan talabalarimiz uchun "Turk tili" to‘garagi tashkil etilmoqda. 

Ma'lumot o‘rnida, qardosh turk tilini o‘rganish istagidagi talabalar fakultetlar dekanatlariga murojaat qilishlari mumkin.