Universitet- professional ta'lim hamkorligi mustahkamlanmoqda

Davlatimiz rahbari tomonidan professional ta'lim va oliy ta'lim tizimlarini integratsiyalash borasida belgilab berilgan vazifalar ijrosi doirasida o‘zaro hamkorlik mustahkamlanyapti.

Qo‘qon universiteti hamda Marg‘ilon Turizm va madaniy meros texnikumi rahbariyatlari o‘rtasida bu borada hamkorlik uchrashuvi o‘tkazildi.
Muzokaralarda yoshlarning oliy ta'lim bilan qamrov darajasini oshirish, texnikum bitiruvchilarining bakalavriat ta'lim yo‘nalishlarida o‘qishini davom ettirishlariga ko‘maklashish chora-tadbirlari belgilandi.

Memorandum imzolanib, texnikumning o‘qitish metodologiyasini takomillashtirish, o‘qituvchilar malakasini oshirish, hamjihatlikda yoshlarni kasb-hunar va ilmga yanada qiziqtirishga kelishib olindi.