"Qadriyatlaring boqiy bo‘lsin, Navro‘z!"

Bugun Qo‘qon shahar Yoshlar bog‘ida Navro‘z umumxalq bayrami keng nishonlandi! Bahorning ilk nafasi, tabiatning uyg‘onishi va milliy qadriyatlarimizning ulug‘lanishiga sabab bo‘lgan ushbu bayram xalqimiz uchun chin ma’nodagi quvonch va shodiyona ruhini olib keldi.

 “Qadriyatlaring boqiy bo‘lsin, Navro‘z!” shiori ostida tashkil etilgan xalq sayillari, milliy sport o‘yinlari, milliy taomlar va hunarmandchilik ko‘rgazmalari hamda xalqimizning boy madaniy merosini aks ettiruvchi turli tadbirlar barchaga unutilmas zavq bag‘ishladi.

Har bir burchakda bahor nafasi, xursandchilik va milliy urf-odatlar jo‘sh urib, haqiqiy Navro‘zona kayfiyat hukm surdi.

 Ushbu tantanali tadbirda Qo‘qon universiteti professor-o‘qituvchilari, xodimlar va talabalar ham faol ishtirok etib, bayramga o‘ziga xos ruh bag‘ishladilar.