Ulug‘bek Toshkenboyev bevosita talabalar bilan suhbatlashib, ularning bilim darajasi va takliflarini o‘rgandi. Yaratilgan shart-sharoitlar, o‘quv-tarbiyaviy va amaliyotga biriktirish ishlari bilan tanishib, talabalarni ilmga yo‘naltirish, mustaqil izlanuvchanlik va ijodkorlik ko‘nikmalarini shakllantirish, universitetning xalqaro darajada jozibadorligini oshirish borasida ahamiyatli takliflar berdi. 
— Bakalavr bosqichidagi talabalarni 2-kursdanoq dolzarb mavzular bo‘yicha ilmiy faoliyatga jalb etish maqsadga muvofiq. Bu talabalarni magistratura bosqichiga tayyorlash va ilmiy natijalarga erishishlariga xizmat qiladi,- dedi Ulug‘bek Toshkenboyev. 
Tashrif davomida inspeksiya bilan hamkorlikda talabalar uchun ilmiy anjumanlar o‘tkazish, ilmiy hamkorlik ishlarini kengaytirishga kelishildi.