Qo'qon universitetida ilmiy-ommabop risola taqdimoti bo'lib o'tdi

🔖Bugun, Qo'qon universitetida "IQTISODIYOT ILMI OSMONIDA YULDUZGA AYLANGANLAR" risolasining taqdimoti bo'lib o'tdi. Tadbirda Xalqaro Nordik Universiteti rektori Sherzod Mustafakulov, Xalqaro Nordik Universiteti Tashkiliy-moliyaviy ishlar bo’yicha prorektori Nuriddin Murodullayev, Xalqaro Nordik Universiteti O’quv ishlari bo’yicha prorektori Muhammadsiddiq Amonboyev, va Toshkent davlat iqtisodiyot universiteti professori Baxtiyor Salimovlar o'zlarining ma'ruzalari bilan chiqish qildilar.

🔴Tadbir davomida ilmiy risolaning muhim jihatlari, iqtisodiyot sohasidagi yangi yondashuvlar va ilmiy izlanishlar haqida batafsil ma'lumot berildi. Tadbir ishtirokchilari ilmiy va amaliy ahamiyatga ega bo'lgan mavzularni muhokama qilishdi va risolaning o'qishdagi foydalari haqida fikr almashishdi.