Direktor va guruh sardorlari uchrashuvi

Qo‘qon universiteti Turizm va iqtisodiyot fakulteti guruh yetakchilari bilan ochiq muloqot bo‘lib o‘tdi. Uchrashuvda talabalarning tashabbuskorlik darajasini oshirish, ularning ma’naviy va intellektual rivojlanishini qo‘llab-quvvatlash, jamoadagi yetakchilik qobiliyatlarini shakllantirish masalalari muhokama qilindi.

Samimiy suhbat davomida talabalar o‘zlarini qiziqtirgan savollar bilan murojaat qilishdi, dolzarb muammolar bo‘yicha fikr almashishdi. Direktor G‘afurjon Zaxidov talabalarni fidoyilik, bilim va izlanishga undab, ularning tashabbuslarini har tomonlama qo‘llab-quvvatlashini ta’kidladi.

 Mazkur uchrashuv sardorlar uchun nafaqat foydali bilim va tajriba maydoni, balki motivatsiya va ilhom manbai bo‘ldi!