Qo‘qon universiteti tadqiqotchilarining ish rejasi bajarilishi monitoring qilinmoqda
Qo‘qon universiteti tadqiqotchilarining ish rejasi bajarilishi monitoring qilinmoqda
🌀Qo‘qon universitetida oliy ta’limdan keyingi ta’lim shaklida mustaqil izlanuvchilik faoliyati bilan shug‘ullanayotgan tadqiqotchilarning ish jarayonini tahlil qilish maqsadida navbatdagi monitoring tadbiri o‘tkazildi.
🔗 Komissiya a’zolari tadqiqotchilarning dissertatsiya mavzulari bo‘yicha olib borayotgan ilmiy izlanishlari, OAK ro‘yxatidagi jurnallarda chop etilgan maqolalari, ilmiy konferensiyalardagi ishtiroklari va shaxsiy ish rejalarining bajarilishi bilan tanishdilar.
✍️ Monitoring davomida ilmiy ishlarning mazmuni, dolzarbligi va bosqichma-bosqich amalga oshirilish holati o‘rganildi. Tadqiqotchilarga ilmiy faoliyatni yanada chuqur tadqiq etish, maqolalar sifatini oshirish hamda ish rejasiga mos holda harakat qilish bo‘yicha zarur tavsiyalar berildi.
📌Mazkur uchrashuv mustaqil izlanuvchilarning ilmiy izlanishlarini samarali yo‘lga qo‘yish, ilmiy faoliyatni sifatli tashkil etish va kelgusida muvaffaqiyatli himoya jarayoniga tayyorgarlik ko‘rish yo‘lida muhim bosqich bo‘lib xizmat qildi.
