🖊 Mustaqil izlanuvchilikka hujjat topshirmoqchi bo‘lgan talabgorlar diqqatiga!

Oliy ta’limdan keyingi ta’limning shakllaridan biri mustaqil izlanuvchilikka yagona elektron tizim — phd.mininnovation.uz orqali hujjatlaringizni onlayn topshirishingiz mumkin.

Hujjatlar joriy yilning 15-fevraliga qadar qabul qilinadi.

Ma’lumot uchun, mustaqil izlanuvchilik — falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajalariga da’vogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi bo‘yicha oliy ta’limdan keyingi ta’lim shaklidir.

Yuborilgan hujjatlar ilmiy yoki ta’lim tashkiloti tomonidan ko‘rib chiqilib, qaror qabul qilinadi.