Talabalar uchun ko‘chma dars tashkil etildi
Universitetimizning Iqtisodiyot va Moliya yo‘nalishi 3-bosqich talabalari uchun Soliq va soliqqa tortish, Byudjet siyosati fanlari doirasida Xalqaro turizm va iqtisodiyot kafedrasi mudiri Boburmirzo Xursanaliyev boshchiligida Farg‘ona viloyati davlat soliq boshqarmasida ko‘chma dars tashkillandi.
Amaliy tashrif davomida talabalar davlat soliq siyosati va soha xodimlarining faoliyati bilan tanishdilar.
Shuningdek, viloyatda tadbirkorlarning barcha muammolarini bir joyning o‘zida hal etishga xizmat qilayotgan klinika - "Tabdirkorlar uyi"da ham muloqot uyushtirildi. Talabalar tijorat banklari, davlat xizmatlari markazi, qurilish, arxitektura va boshqa mas'ul idoralarning xodimlarini bir joyda jamlagan bu klinikada ishbilarmonlik muhitini yaxshilash, tadbirkorlikka keng imkoniyat yaratish borasidagi ishlar bilan tanishdilar.
