"Qizlar – hammadan zukkosizlar!" koʻrik tanlovi boʻlib oʻtdi!

Qoʻqon universitetida "Yangi Oʻzbekistonni, albatta, yoshlar bilan birga quramiz!" shiori ostida "Qizlar – hammadan zukkosizlar!" koʻrik tanlovi oʻtkazildi.
 
Mazkur koʻrik tanlov Qoʻqon shahridagi Yalong'och ota, Qalandarxona, Parpashabop va Nurafshon mahalla xotin-qizlar faollari hamkorligida boʻlib oʻtdi.

Faol talaba-qizlarni qo‘llab-quvvatlash, ularning ma'naviyatini yanada yuksaltirish, kasbiy bilimlarini boyitish maqsadida o‘tkazilgan ko‘rik-tanlovda universitetning barcha yoʻnalishlaridan qatnashgan 12 nafar talaba qizlar oʻzlarining ijodiy mahoratlarini namoyon qilishdi. 

Koʻtarinki  kayfiyat, diltortar navolar sadosi orqali oʻtgan koʻrik tanlov yakunida ishtirokchilar faxriy yorliq va esdalik sovgʻalari bilan taqdirlanishdi.