Navoiyxonlik haftaligi g‘oliblari taqdirlandi!

Alisher Navoiyning hayoti, adabiy, ilmiy merosini o‘rganish olijanob mehnat. Yoshlarimiz Navoiyni qanchalik chuqur va puxta bilsa, ma’rifat, ezgulik, komillik sirlarini shuncha keng egallaydi. Navoiyning so‘zlari diliga o‘rnashgan odam, o‘zi istasin-istamasin odamiylik sharafi va kuch-quvvatini idrok etadi. Navoiy saboqlariga amal qilgan kishi o‘z-o‘zidan xalq dard-u tashvishlarini yengillatishga bel bog‘laydi.

Universitetda navoiyxonlik haftaligi doirasida  o‘tkazilgan  “Nazm va navo”, “Navoiy ijodiga bag‘ishlangan esselar”, “She’r va sharh” tanlovlari  g‘oliblari taqdirlandilar.

Tadbirlar davomida talabalar mustaqil fikr, adabiyot, san’at, ma’naviyat, ma’rifatning inson taqdiridagi qimmati, yashashdan asosiy maqsad nima ekanligi to‘g‘risida Hazrat Navoiy bitib ketgan o‘gitlaridan bahramand bo‘ldilar.