Qo‘qon universitetida "Ma'rifat ulashib" loyihasi doirasida adiblar bilan uchrashuv bo‘lib o‘tdi.

Ushbu loyiha Qo‘qon universiteti, O‘zbekiston davlat san'at va madaniyat instituti Farg‘ona mintaqaviy filiali va O‘zbekiston yozuvchilar uyushmasi hamkorligida tashkil etildi. 

Uchrashuvda adiblar milliy g‘oyani keng targ‘ib qilish, ma'naviy-ma'rifiy ishlar samaradorligini oshirish, jamiyatda adabiyot va kitobxonlikni yanada rivojlantirishni ta'kidlab, talabalarga o‘z ijod namunalaridan o‘qib berishdi.

Shuningdek, talabalar tomonidan aytilgan ifodali she'rlar, talabalar ijrosidagi Usmon Azimning "Kunduzsiz kechalar" asari asosidagi Choʻlponning achchiq tadqiriga oid sahnaviy koʻrinish barcha ijodiy uchrashuv ishtirokchilariga manzur boʻldi.