O‘sh texnologiyalar universiteti delegatsiyasining tashrifi bo‘lib o‘tdi
O‘shTU (Qirg‘iziston Respublikasi) rektori, texnika fanlari doktori, professor Janbolot Tursunbayev boshchiligidagi delegatsiya a'zolari universitetimizda talabalar uchun yaratilgan shart-sharoitlar bilan yaqindan tanishdilar.
60 yillik tajribaga ega, muhandislik va texnologiyalar bo‘yicha ixtisoslashgan bu ilg‘or universitet vakillari oliygohimizdagi imkoniyatlar haqida ijobiy fikrlar bildirdilar.
O‘zaro muzokaralarda akademik faoliyat, ilm-fan va ishlab chiqarish integratsiyasi, mehnat bozori talablaridan kelib chiqqan holda malakali mutaxassislar tayyorlash borasidagi tajribalar almashildi.
Anglashuv memorandumi imzolanib, o‘qituvchi va talabalar almashish, qo‘shma dasturlar va ilmiy tadqiqotlarni amalga oshirish bo‘yicha kelishuvga erishildi. Departamentlararo hamkorlik yo‘lga qo‘yildi.
