Qoʻqon universiteti professor-oʻqituvchilari Qozogʻistonda

Qoʻqon universitetining professor-oʻqituvchilari – "Startap va innovatsion tadbirkorlikni rivojlantirish" departamenti boshlig’i Azizxon Umarov, "Ilmiy-tadqiqot" departamenti boshligʻi Boburmirzo Xursanaliyev va Abbosxon Yusupovlar Orhun almashinuv dasturi doirasida Al-Farobiy nomidagi Qozogʻiston milliy universitetiga tashrif buyurishdi.

1.jpg

Dastlab, ular Qozogʻiston milliy universiteti bilan yaqindan tanishish maqsadida Iqtisodiyot va biznes maktabi dekani Bimendiyeva Leila Abdrashovna hamda kafedra mudirlari bilan uchrashishdi va Qoʻqon universiteti nomidan maxsus sovgʻa topshirishdi.

2.jpg

Uchrashuvda Qozogʻiston milliy universitetidagi ta'lim tizimi, oʻqituvchilarning vazifalari, universitetni biznes maktabi kabi masalalar yuzasidan suhbat boʻlib oʻtdi. Shuningdek, ilmiy tadqiqotlar qilish boʻyicha oʻzaro hamkorlikni rivojlantirishga kelishib olindi.

3.jpg

Shuningdek, tashrif mobaynida Qoʻqon universitetining professor-oʻqituvchilari Qozogʻiston milliy universitetidagi dars jarayonlari bilan ham yaqindan tanishishdi va universitetning 90 yillik yubileyiga bag'ishlangan forum va konferensiyada mehmon sifatida ishtirok etishib, universitetdagi ilmiy-amaliy loyihalar bilan tanishishdilar. 

4.jpg

Malaka almashish mobaynida Qoʻqon universiteti vakillari Qozoq Milliy Universitetining Moliya va hisob kafedrasi tomonidan tashkil etilgan "Sifatli ta'lim" mavzusida xalqaro seminarda ishtirok etib, nutq so'zladilar.

5.jpg

Seminarda "Startap va innovatsion tadbirkorlikni rivojlantirish" departamenti boshlig’i Umarov Azizjon Qo'qon universiteti haqida tinglovchilarga ma'lumot berib oʻtdi.

6.jpg

Bundan tashqari, Ilmiy-tadqiqot" departamenti boshligʻi Xursanaliyev Boburmirzo Ilmiy tadqiqotlarning ahamiyati haqida, "Xalqaro turizm va iqtisodiyot" kafedrasi katta o'qituvchisi Yusupov Abbosxon Qo'qon universitetining xalqaro aloqalari va Orhun dasturi haqida tushuncha berib oʻtdi.

7.jpg

Seminar so'nggida universitetimiz vakillari Moliya va hisob kafedrasi mudirasi Nurmugambetova Ajar Zeynullayevna bilan kelgusidagi hamkorlik masalalari haqida kelishib oldilar.

8.jpg

Ma'lumot uchun, Qozogʻiston milliy universitetining mamlakatda nufuzi baland hisoblanib, dunyodagi top 300 talik universitetlardan biri hisoblanadi.

 

3 Aprel 2024 289

Ommabop